Sostibilidade da actividade pesqueira e consumo responsable. Congreso da infancia e da adolescencia
Este proxecto está promovido pola Fundación Expomar e financiado no marco do Fondo Europeo Marítimo, de Pesca e de Acuicultura 2021-2027 e do GALP A Mariña-Ortegal.
Esta nova iniciativa da Fundación Expomar pretende poñer en valor o papel que ten o sector pesqueiro no desenvolvemento social das vilas e pobos da Mariña, reforzando así a posición social do sector, incidindo na sostibilidade da actividade pesqueira, na promoción dos recursos e na valorización do patrimonio cultural ligado ao mar.
Para lograr estes obxectivos, o proxecto “Xeración Peixe” inclúe diferentes actividades interxeracionais e intersectoriais e abrangue diversas actividades de investigación, culturais, gastronómicas, medio ambientais e artesanais, que afectan a diferentes sectores de actividade e a públicos de distintas xeracións: centros de ensino, centros de inclusión e Escola de Hostalería de Foz; e que culminará en 2026 coa celebración dun “Congreso da infancia e da adolescencia”.
Información de interese Xeración Peixe
Actividades Escola Hostalería de Foz
Actividades Centros RUEPPS
Día do Peixe
Congreso da Infancia e a Adolescencia
Actividades que na actualidade se están a desenvolver nos IES Perdouro e IES Monte Castelo de Burela e que implican as seguintes accións:
- “Ti es de peixe?” Actividade de deseño dun proxecto de dinamización e investigación arredor do comportamento no consumo de produtos pesqueiros. A través do deseño dun cuestionario que o alumnado cubrirá ao longo do mes de novembro, poderanse coñecer os hábitos de consumo.
- “Tinta de lura” Certame literario dirixido ao alumnado dos IES de Burela no que se abordan temáticas vinculadas co mar e coas actividades pesqueiras. O certame está aberto a todo o alumnado. Nestes momentos estamos na fase de recepción das obras, rematando o prazo de presentación o mércores 7 de novembro.
- “Maragota ao pote!” Elaboración dun receitario que recupere sabores tradicionais ou innovadores a partir da utilización de peixes e mariscos das lonxas da Mariña. No mes de novembro recolleranse as receitas a través do profesorado.
- “Lixo mariño” Realización de limpezas de praias en colaboración con colectivos ecoloxistas da Mariña e posterior exposición do lixo recollido a través dunha mostra. Actividade que se desenvolverá no ano 2026.
Actividades na Escola de Hostalaría de Foz:
- “Petisco de peixe” Elaboración dun petisco ou prato empregando produto do mar. O IES de Foz está a traballar no deseño dunha proposta gastronómica de petisco cunha visión “comercial” (formato atractivo e doado de preparar e consumir) e dun menú adaptado e económico, no que o produto pesqueiro sexa o protagonista. O traballo de investigación do IES de Foz, desde a Escola de Hostalaría, ten como obxectivo deseñar un menú economicamente competitivo para ofrecer nos menús de institucións e entidades públicas ou sociais.
- O prototipo do petisco probouse no mes de outubro nunha cata entre o alumnado usuario do comedor do IES de Foz e entre as persoas externas que comeron no centro ese día. No ano 2026, a receita desta elaboración incorporarase a unha degustación de produtos nos centros participantes no proxecto, así como para servila o día da celebración do Congreso.
- “Participación no Congreso” O centro participará no Congreso como poñente e tamén como provedor do servizo de catering do evento.
Actividades nos centros RUEPSS (Entidades Prestadoras de Servizos Sociais)
- “Obradoiro de arte mariñeira” Os centros de inclusión organizarán unha actividade de elaboración de artesanía mariñeira. Xa se estableceron contactos coas entidades e estase a traballar nas posibles opcións de pezas a deseñar para o Congreso.
- “Obradoiro interxeracional” Celebrarase unha actividade interxeracional nos centros de maiores, na que o alumnado recollerá contos, lendas, receitas ou historias vinculadas coa vila, coa actividade pesqueira ou con diferentes tradicións e elementos que forman parte do patrimonio inmaterial das vilas. Esta actividade desenvolverase no ano 2026.
A Fundación Expomar quere fomentar a degustación de produto pesqueiro nos centros escolares, centros de maiores e centros de inclusión con comedor.
Un efecto directo de ‘Xeración Peixe’ será o incremento no consumo de produto pesqueiro nestes centros, cun impacto en máis de 1.000 persoas da contorna.
O “Día do Peixe” celebrarase nunha data sinalada, proporcionando o produto pesqueiro aos servizos de cociña dos centros para que elaboren diferentes preparacións destinadas ás persoas usuarias. Estas terán como referencia o traballo realizado previamente polo IES de Foz.
Todos os traballos realizados durante o proxecto culminarán nun Congreso da infancia e da adolescencia, no que se porá en valor o potencial da pesca ou dos seus produtos na contorna da Mariña, non só polo que implica a nivel de alimentación, senón polo que supón no ámbito do desenvolvemento social e económico.
Aínda está por determinar a data do Congreso, aínda que é probable que se celebre a comezos do mes de maio de 2026. Preténdese que este Congreso da Infancia e da Adolescencia se converta nun espazo de divulgación no que reforzar a sustentabilidade das actividades pesqueiras a través da promoción do consumo de produtos pesqueiros de proximidade e da valorización das actividades pesqueiras.
Algunhas das actividades previstas para este Congreso son:
- presentación da investigación realizada polo alumnado dos centros;
- fallo do xurado do concurso literario “Tinta de lura”;
- presentación do “receitario”;
- presentación da mostra “Lixo mariño”;
- degustación de produto pesqueiro e dos petiscos de peixe ideados pola Escola de Hostalaría;
- charlas-coloquio para destacar o papel da dieta atlántica e saudable;
- foro de debate sobre gastronomía de costa e maridaxe terra-mar;
- actividades lúdico-educativas, obradoiros;
- proxección dun vídeo que resume os traballos do proxecto.
Información de interese Xeración Peixe
Actividades que na actualidade se están a desenvolver nos IES Perdouro e IES Monte Castelo de Burela e que implican as seguintes accións:
- “Ti es de peixe?” Actividade de deseño dun proxecto de dinamización e investigación arredor do comportamento no consumo de produtos pesqueiros. A través do deseño dun cuestionario que o alumnado cubrirá ao longo do mes de novembro, poderanse coñecer os hábitos de consumo.
- “Tinta de lura” Certame literario dirixido ao alumnado dos IES de Burela no que se abordan temáticas vinculadas co mar e coas actividades pesqueiras. O certame está aberto a todo o alumnado. Nestes momentos estamos na fase de recepción das obras, rematando o prazo de presentación o mércores 7 de novembro.
- “Maragota ao pote!” Elaboración dun receitario que recupere sabores tradicionais ou innovadores a partir da utilización de peixes e mariscos das lonxas da Mariña. No mes de novembro recolleranse as receitas a través do profesorado.
- “Lixo mariño” Realización de limpezas de praias en colaboración con colectivos ecoloxistas da Mariña e posterior exposición do lixo recollido a través dunha mostra. Actividade que se desenvolverá no ano 2026.
Actividades Escola Hostalería de Foz
Actividades na Escola de Hostalaría de Foz:
- “Petisco de peixe” Elaboración dun petisco ou prato empregando produto do mar. O IES de Foz está a traballar no deseño dunha proposta gastronómica de petisco cunha visión “comercial” (formato atractivo e doado de preparar e consumir) e dun menú adaptado e económico, no que o produto pesqueiro sexa o protagonista. O traballo de investigación do IES de Foz, desde a Escola de Hostalaría, ten como obxectivo deseñar un menú economicamente competitivo para ofrecer nos menús de institucións e entidades públicas ou sociais.
- O prototipo do petisco probouse no mes de outubro nunha cata entre o alumnado usuario do comedor do IES de Foz e entre as persoas externas que comeron no centro ese día. No ano 2026, a receita desta elaboración incorporarase a unha degustación de produtos nos centros participantes no proxecto, así como para servila o día da celebración do Congreso.
- “Participación no Congreso” O centro participará no Congreso como poñente e tamén como provedor do servizo de catering do evento.
Actividades Centros RUEPPS
Actividades nos centros RUEPSS (Entidades Prestadoras de Servizos Sociais)
- “Obradoiro de arte mariñeira” Os centros de inclusión organizarán unha actividade de elaboración de artesanía mariñeira. Xa se estableceron contactos coas entidades e estase a traballar nas posibles opcións de pezas a deseñar para o Congreso.
- “Obradoiro interxeracional” Celebrarase unha actividade interxeracional nos centros de maiores, na que o alumnado recollerá contos, lendas, receitas ou historias vinculadas coa vila, coa actividade pesqueira ou con diferentes tradicións e elementos que forman parte do patrimonio inmaterial das vilas. Esta actividade desenvolverase no ano 2026.
Día do Peixe
A Fundación Expomar quere fomentar a degustación de produto pesqueiro nos centros escolares, centros de maiores e centros de inclusión con comedor.
Un efecto directo de ‘Xeración Peixe’ será o incremento no consumo de produto pesqueiro nestes centros, cun impacto en máis de 1.000 persoas da contorna.
O “Día do Peixe” celebrarase nunha data sinalada, proporcionando o produto pesqueiro aos servizos de cociña dos centros para que elaboren diferentes preparacións destinadas ás persoas usuarias. Estas terán como referencia o traballo realizado previamente polo IES de Foz.
Congreso da Infancia e a Adolescencia
Todos os traballos realizados durante o proxecto culminarán nun Congreso da infancia e da adolescencia, no que se porá en valor o potencial da pesca ou dos seus produtos na contorna da Mariña, non só polo que implica a nivel de alimentación, senón polo que supón no ámbito do desenvolvemento social e económico.
Aínda está por determinar a data do Congreso, aínda que é probable que se celebre a comezos do mes de maio de 2026. Preténdese que este Congreso da Infancia e da Adolescencia se converta nun espazo de divulgación no que reforzar a sustentabilidade das actividades pesqueiras a través da promoción do consumo de produtos pesqueiros de proximidade e da valorización das actividades pesqueiras.
Algunhas das actividades previstas para este Congreso son:
- presentación da investigación realizada polo alumnado dos centros;
- fallo do xurado do concurso literario “Tinta de lura”;
- presentación do “receitario”;
- presentación da mostra “Lixo mariño”;
- degustación de produto pesqueiro e dos petiscos de peixe ideados pola Escola de Hostalaría;
- charlas-coloquio para destacar o papel da dieta atlántica e saudable;
- foro de debate sobre gastronomía de costa e maridaxe terra-mar;
- actividades lúdico-educativas, obradoiros;
- proxección dun vídeo que resume os traballos do proxecto.
