A feira Expomar é un referente dentro do sector náutico-pesqueiro en toda a cornixa cantábrica e no norte de Portugal. Como feira profesional do sector, representa unha plataforma de comunicación entre a Administración, os empresarios do mar e os profesionais que traballan nel.

Os profesionais do sector náutico-pesqueiro atopan aquí unha plataforma comercial imprescindible, ao ofrecerlles a posibilidade de reunir nun único recinto e durante catro días toda a oferta do seu sector, o que supón unha excelente oportunidade de negocio e de coñecer as últimas tecnoloxías e innovacións do mercado. A feira conta con máis de 5.000 metros cadrados de superficie expositiva e máis de 350 marcas representadas.